Muqdish: Warar si aad ah la iskula dhexmarayo gudaha magaalada Muqdisho, gaar ahaan xarunta madaxtooyada Villa Soomaaliya ayaa sheegaya in uu gebogebo marayo qorshe ay wadatay dowladda Itoobiya oo ahaa in haddii IGAD iyo midowga Africa ay doonayaan in Itoobiya ciidamo u soo dirto Soomaaliya marka hore taliyaha howlagalada ciidammada AMISOM loo magacaabo Jeneraal Itoobiyaan ah.

Madaxweynaha dalka Mareykanka, Barack Obama oo ayaa maalinintii shalay waxa uu sheegay in muslimiintat dalka Mareykanka ay Masaajid iyo xarun ay isugu yimaadaan ka dhisantaan meel ku dhow halkii ahaan jirtey xaruntii daaraha mataanaha ee magaalada News York, daarahaasi oo  sanadkii 2001 lagu burburiyey qaraxyo loo adeegsaday diyaarado, qaraxyadaasi  oo  Mareykanku rumeysan yahay inuu ka dambeeyay ururka Al-Qaacida.

Garoowe: Wararkii ugu dambeeyey ee laga helayo dagaalkii saaka dhex maray ciidammada maamul goboleedka Puntland iyo  koox diimeedka uu hoggaamiyo Maxamed Siciid Atam ayaa waxa ay sheegayaan in ilaa 2 askari uga dhimatay maamulka Puntland, sidoo kale ay uga dhaawacmeen shan askari oo kale.

"Waxaan dhab ahaan aad iyo aad uga xumahay khasaaraha nafeed ee ka dhashay falalka aan geystay. Waxaan u careysnaa Mareykanka oo aan u heysto in uu mas'uul ka yahay dhibaatadda muslimiinta ku heysata adduunka oo dhan". Sidaas waxaa yiri Ediris Nsubuga oo ka mid ah afarta nin ee loo haysto qaraxyadii ay ku dhinteen ilaa 76 qofood mar ay daawanayeen ciyaartii kama dambeysta ahayd ee kubbadda cagta koobka adduunka bishii july ee kal hore.

Saaaka ayaa mar kale dagaal qaraar waxa uu ka dhex qarxay ciidammada maamul goboleedka Puntland iyo koox diimeed uu hoggaamiyo Maxamed Siciid Atam, dagaalkaasi oo ka dhacay degaan lagu magacaabo Madashoon oo sida la sheegay ay saldhig ku lahayeen ciidammada maamulka Puntland.

Raíisul Wasaaraha dalka Denmark, Lars Lökke  Rasmussen oo  hadlay mar uu booqasho ugu tegay dhiggiisa dalka Ingiriiska, David Cameron maalinimadii shalay ayaa waxa uu sheegay in ciidammada dalkiisa ee ku sugan gudaha dalka Afqanistaan ay halkaasi sii joogi doonaan ilaa iyo sanadka 2015-ka.

Kinshasa: Ugu yaraan 58 qofood ayaa la xaqiijiyey inay ku nafwaayeen shil baabuur oo ka dhacay bariga dalka Kongo maalinimadii shalay kaddib markii baabuur nooca xamuulka iyo dadka qaada ah oo aad u raran  uu dulmaray dhagax aad u weyn kaddibna baabuurkii ku dhacay ama ku rogmaday gudaha badda Tanganyika. 

Ra'iisul wasaaraha Itoobiya, Meles Zenawi ayaa ku celiyay  inuu mar kale ciidamada  dalkiisa u dirayo Soomaaliya, haddii ciidamada AMISOM ay la kulmaan khatar, islamarkaana ay  weydiistaan kaalmo.

Kampala: Ciidammada Ammaanka dalka Ugandha ayaa waxa ay shaaca ka qaadeen in ay gacanta ku soo dhigeen oo ay xireen afar nin oo ay sheegeen inay ka dambeeyeen qaraxyadii bishii july ee sandkaan lagu dilay in ka badan 76 qofood oo daawanayey ciyaartii finalka koobka kubbadda cagta adduunka.

Hargeysa, Madaxweynaha Somaliland, Axmed Maxamed Siilaanyo ayaa maanta waxa uu magacaabay Guddoomiyeyaasha gobollada Somaliland, kuwaasi oo u badan kuwo cusu, inkastoo gobollada qaar dib loogu magacaabay guddoomiyeyaashoodii hore.

Maxkamad ay leeyihiin ciidammada milateriga dalka Mareykanka ayaa waxa ay ku dhawaaqday inay14 sano oo xarig ah ku xukuntay nin lagu magacaabo Al-Qosi oo u dhashay dalka Suudaan, kaasi oo muddo 8 sanadood ah xukun laáan ku jirey xabsiga Guantanamo Bay.

Dhammaan muslimiinta caalamka, gaar ahaan ummadda Soomaaliyeed waxaanu ugu bishaareyneynaa bilashada bisha barakaysan ee Ramadaan, taasi oo dalal badan oo caalamka ahi si rasmi ah ugu dhawaaqeen inay berri tahay maalin soon ah.

Laba dumar ah oo Somali ah oo lagu eedaynayo hawlgallo la xidhiidha argagixso ayaa la hor keenay maxkamad ku taalla gobolka Minnesota ee dalka Maraykanka.

Garoowe: Ciidammada Maamul Goboleedka Puntland ee waqooyi bari dalka Soomaaliya ayaa si xawli ah ula dagaalamaya kooxaha burcad-badeedda ah ee ku sugan degankaasi, iyagoo howlgalkii 2aad ee ay qaadeen ciidammadaasi muddo ka yar hal toddobaad ku qabqabtay koox burcad ah.

Tartanka u adkeysiga kuleylka (world Sauna championship) oo ay ka qaybgelayeen tiro dad ah oo ka kala socday qaar ka mid ah dalalka caalamka ayaa waxa uu sababay dhimasada hal nin iyo dhaawaca nin kale.