Muqdisho: Guddoomiyaha gobolka Banaadir u qaabilsan ururka Al-Shabaab, Cali Maxamed Xuseen oo maanta shir jaraaid ku qabtay Mowlaca Macalin Nuur ee degmada Howlwadaag ayaa waxaa uu sheegay inay guul ka gaareen dagaallada maalintii lixaad ay kula jiraan ciidammada dowladda iyo kuwa AMISOM.

Jaamac Iidle Ibraahim oo Mareykanka ugu eedeysnaa fal burcad- badeednimo ah ayaa waxa uu Maxkamad ku taal dalka Mareykanka ka hor qirtay inuu galay dembigaloo haysto oo la xiriira in uu weerar hubeysan ku qaaday Markab ciidamada badda Maraykanku leeyihiin oo ku sugnaa gacanka cadmeen.

Nairobi: Muddo saddex toddobaad ah kaddib markii dadweynaha dalka Kenya u codeeyeen dastuurka cusub ee dalkaasi ayaa maanta Madaxweynuhu qalinka ku duugay, iyadoo ay daawanayeen kumannaan qof oo dadweynaha dalka ka mid ah oo ka soo qayb galay xafladda saxiixa.

Muqdisho: Dagaaladii iyo duqeyntii madaafiicda ee ay is dhaafsanayeen kooxaha kursi-doonka ah ee ku hardamaya talada dalka Soomaaliya ayaa maalintii shanaad oo xiriir ah galay magaalada Muqdisho, iyado wararkii ugu dambeeyey ee saaka ay sheegayaan in ilaa 5 qofood oo rayid ahi ku dhimatay, sidoo kalena ay ku dhaawacmeen dad ilaa 8 qofood gaaraya inta la ogyahay.

Nairobi: Xildhibaanadii iyo saraakiishii ciidammada dowladda kumeelgaarka ah ee Soomaaliya ee dhaawacyada culusi ka soo gaareen qarixii shalay ururka Al-Shabaab ku qaadeen hoteel Muna ee magaalada Muqdisho ayaa saaka ilaa caawa waxaa diyaarado loogu soo daadgureeyay magaalada Nairobi ee dalka Kenya.

Muqdisho: Dagaalada iyo duqeynta araxan-darrada ah ee kooxaha ku dagaalamaya magalaada Muqdisho oo galay maalintii 3aad ayaa  dhimashada dadka shacabka ahi waxa ay kor u dhaaftay ilaa 70 qofood, halka dhaawacyaduna ay gaarayaan ilaa 180 qofood, kuwaasi oo 10 ka mid ahi ku dhinteen dagaalka saaka. 

Muqdisho: Raíisul Wasaaraha dowladda kumeelgaarka ah ee Soomaaliya, Cumar Cabdirashiid ayaa weerarkii maanta lagu dilay Xildhibaanada iyo Saraakiisha ku tilmaamay mid cadownimo ah oo sida uu hadalka u dhigay lagu laynayo shacabka Soomaaliyeed. 

Muqdisho: Afhayeenka Xarakada Al-Shabaab, Cali Maxamuud Raage (Cali-Dheere) oo saxaafadda la hadlay ayaa waxa uu caddeeyey in ururkoodu ka dambeeyey weerarkii ismiidaaminta ahaa ee maanta lagu qaaday hoteelka Muna ee magaalada Muqdisho, kaasi oo ay degganaayeen Xildhibaano iyo saraakiil ciidan oo ka tirsan dowladda kumeelgaarka ah ee Soomaaliya.

Muqdisho: Wasiirka Warfaafinta Dowladda Kumeelgaarka ah ee Soomaaliya, Inj. Cabdiraxmaan Yariisow oo waraysi toos ah siinayey telefishinka Al-Jasiira ayaa  waxa uu ka warbixiyey weerarkii hubeysnaa ee saaka lagu qaaday hoteelka Muna ee magaalada Muqdisho, halkaasi oo uu Wasiirku sheegay in ilaa 6 Xildhibaan oo Baarlamaanka ka tirsan

Muqdisho: Dagaalada iyo duqeynta madaafiicda shalay gelinkii dambe ilaa maanta ka socota magalada Muqdisho ayaa la xaqiijiyey inay ku dhiteen in ka badan 30 qofood oo rayid ah, iyadoo dhaawacyadu kor u dhaafen 100 qofood sida au muujinayaan wararka laga helayo goobaha caafimaadka.

Muqdisho: Wararkii ugu dambeeyey ee caawa laga helay magaalada Muqdisho ayaa waxa ay xaqiijinayaan dhimashada in ka badan 20 qofood oo shacab ah iyo dhaawacyo ka badan 70 qofood kaddib dagaal iyo duqeyn culus oo galabta ka dhacday qaybo ka mid ah magaalada Muqdisho.

Muqdisho: Maamulka Gobolka Banaadir u qaabilsan Xarakada Al-Shabaab ayaa Maanta la wareegay qalabkii iyo dhismihii ay laheyd Idaacadda Qur’aanka Kariimka ee Magaalada Muqdisho oo ka mid ahayd idaacadaha madax-bannaan ee ka howlgeli jirey magaalada Muqdisho.

Ugu yaraan saddex iyo toban qof ayaa ku dhintay kontan iyo shan qofna waa dhaawac, dagaal culus oo ka dhacaya magaalada Muqdisho.

Dagaalka ayaa waxa uu u dhexeeyaa ciidamada dowladda KMG ah ee Soomaaliya iyo kooxaha mucaaradka ee ka soo horjeeda.