Xawaaladda Qaran Gaalkacyo oo la dhacay, Madaxweynaha oo Muqdisho ku laabtay iyo warar kale
Gaalkacyo: Koox hubeysan ayaa weerar waxa ay ku qaadeen saaka xafiiska Shirkadda Xawaaladda Qaran Express ee waqooyiga magaalada Gaalkacyo, kuwaasi oo weerarkaasi ku dilay 2 qofood, islamarkaana qaatay dhammaan lacagihii yaallay xaruntaasi.
Kooxdii weerarka geysatay ayaa islamarkiiba ka baxsaday goobtii ay dhaca iyo dilka ka geysteen, iyadoo aan ilaa iminka la aqoonsan. Labada qofood ee goobta lagu dilay ayaa la sheegay in uu ka mid ahaa Khasnajigii Xawaaladda Qaran xafiiskeeda waqooyiga Gaalkacyo, ninkaasi oo magaciisa lagu sheegay Jaamac Dheere.
Muqdisho: Madaxweynaha dowladda kumeelgaarka ah ee Soomaaliya, Shariif Sheekh Axmed ayaa maanta waxa uu dib ugu soo laabtay magaalada Muqdisho kaddib markii uu ka soo kicitmay magaalada Nairobi oo uu kulamo kula soo yeeshay qaar ka mid ah heyádaha iyo dalalka daneeya arrimaha Soomaaliya, si uu taageero ugu helo go´´aamadii shirkii ururka midowga Africa ee arrimaha Soomaaliya, gaar ahaan qaabkii ciidamo dheeraad ah loo keeni lahaa magaalada Muqdisho.
Shariif Sheekh Axmed oo warbaahinta kula hadlayey xarunta Villa Soomaaliya kaddib soo laabashadiisii ayaa waxa uu sheegay in wixii ka dambeeyay burburkii dowladdii dhexe ee Soomaaliya sanadkii 1991-kii aanu dalku helin dowlad waxqabad leh, hase yeeshee ay iminka ku howlan yihiin sidii ay u samatabixin lahaayeen dalka waa sida uu hadalka u dhigaye.
Waxaa uu eedayn dusha uga tuurey Xarakada Mujaahidiin Al-Shabaab oo uu sheegay in ay dalka dhibaato ka wadaan islamarkaana ay ku xiran yihiin ururka Al-Qaacida, isagoo ay hadalkiisa ka md ahayd "waxaan ka xumahay in dad islaam sheeganaya oo dembiyo ka soo galay dalal kala duwan oo caalamka ah ay dhibaato u geystaan shacabka Soomaaliyeed oo ay barakicinayaan".
Madaxweynaha ayaa ku gooddiyay in dulqaadkii ka dhammaaday dowladdiisa ayna u soo jeesteen sidii ay wax uga qaban lahaayeen dhibaatooyinka jira, iyagoo kaashanaya beesha caalamka.
New York: Kaaliyaha Xoghayaha Guud ee Qaramada Midoobay ee arrimaha taageerada, Susana Malcorra ayaa laga soo xigtay in uu jiro qorshe la isku raacay oo Qaramada Midoobay ku wajahayso qaab cusub oo lagu taageerayo ciidammada Ururka Midowga Africa (AMISOM) ee ku sugan dalka Soomaaliya.
Sarkaalkan sare ee ka tirsan xafiiska Xoghayaha Guud ee Qaramada Midoobay ayaa caddeysay in qorshaha taageerada uu ku saabsan yahay dalal kor u dhaafaya 30 oo ay ciidamao ka joogaan Qaramada Midoobay, inkasta oo aysan si cad u muujin in ciidammada AMISOM howlgalkooda laga dhigi doono mid hoos taga Qaramada Midoobay, taasi oo ay marar badan soo jeediyeen ururka midowga Africa.
Warar madax-bannaan oo arrintaan la xariira ayaa sheegaya in loo malaynayo in qaabka taageerada ´Qaramada Midoobay ee ciidammada AMISOM uu noqon doono dhinacyada isgaarsiinta casriga ah, dhaqaalaha iyo isdhaafsiga xogta ama warbixinada sirta ah, qodobadaasi oo la filayo in ay wax weyn ku soo kordhin doonaan howlgalka ciidammada AMISOM.
www.somaanta.com
Published: 2010-07-31 12:56:21
News/Wararka maanta
- Madaxweyne Shariif: si loo helo dastuur dhab ah waa in qoraalka qabyada ay ka dhex muuqato yididiilo
-
Muqdisho, Soomaaliya September 4, 2010, Madaxweyne Soomaaliya, Sheekh Shariif Sheekh Axmed, ayaa maanta ka hadlay Dastuurka qabyada ah ee uu soo bandhigay Guddiga Federaalka Dastuuriga ah ee Madaxabannaan.
Madaxweynuhu, war-murtiyeed uu siiyey warbahinta, wax uu ku yiri, “Dastuur cusub oo Soomaaliya loo sameeyo waa howl qaran oo ahmiyad gaar ah leh, muggeeduna ballaaran yahay, taas oo ay tahay in uu ahaado hab cad oo aan daldaloollo lahayn islamarkaana ku fadhiya sharciyad iyo qaneeco shacab.”
- (2010-09-04)
- Filimka BLACKSPOT iyo qaybta 1aad ee warbixinada Burcad-badeedda Soomaaliya
-
Black Spot (goobaabinta dhimashada) waa eray inta badan ay isticmaali jireen jilayaasha filimada kaabooyga (Cowboy) ee dalka Mareykanka, taasi oo loola jeedo in ninkii ku dhaca goobaabintaasi madoow uusan ka soo samatabixi doonin oo halkaasi lagu qaarajinayo, hase yeeshee goobaabinta madoow waxa ay iminka cinwaan u noqotay filim maqal iyo muuqaal ah oo laga diyaariyey falalka burcad-badeedda Soomaaliya.
- (2010-09-04)
- Ciidammada AMISOM & kuwa Dowladda Soomaaliya oo madaafiic aad u culus ku ridaya xaafadaha Muqdisho
-
Dagalaada ay ku dhinteen, kuna dhaawacmeen boqolaalka qofood ee shacabka Muqdisho ah oo toddobaadkii 2aad galay ayaa maanya duhurnimadii mar kale dib uga bilowday xaafado ka mid ah magaalada Muqdisho.
- (2010-09-04)
- Kenya oo Xaqiijineysa Warbixinta HRW
-
Kadib warbixin ay soo saartay Hey’adda Xuquuqul Insaanka ee Human Rights Watch taasoo lagu sheegay in ciidamadda Amniga ee dalka Kenya ay si xun ula dhaqmaan dadka Qaxootiga ah oo ay soo barakiciyeen dagaaladda ka soconaya dalka Soomaaliya ayaa waxay dawladda Kenya sameysay guddi loo xilsaaray inay soo baaraan eedeymaha ku xusan warbixinta hey’adda Human Rights Watch, waxaana madax looga dhigay guddigaan Xassan Faarax oo sidoo kale ah guddoomiye ku-xigeenka gobolka Waqooyi bari Kenya.
- (2010-09-04)
- Halaagga dalka & dadkak Soomaaliyeed ku habsaday maxaa sababay?
-
Waxaan qirayaa in ilaahay subxaanahu watacaalaa ay u sugnaatay ammaan iyo mahad aan la koobi karib,ilaahayna ogu mahadnaqayaa inuu nagadhigay muslimiin iyo umma Nabi Muxammad S.C.W,Waxaana qirayaa in Nabi Muxammad S.C.W. uu gutay amaanadii iyo diintii ilaahay u soo dhiibay iyo in ilaahay oofsaday Suubanaha S.C.W. isagoo gutay waajibkii iyo masuuliyadii ilaahay u soo diray,ummaddiisana uu ogu tagay Quraanka iyo Sunnada oo dhamaystiran ahna qaabka nolosha iyo dhaqanka lagu badbaadayo aakhiro iyo adduunba haddii la rumeeyo oo lagu dhaqmo inta adduunka lagu suganyahay.
- (2010-09-04)
- Meydadka askartii Ugandha looga dilay Villa Soomaaliya oo laga dejiyey Kampala
-
Kampala: Meydadka afar askari oo ka tirsanaa ciidammada AMISOM ee ka socda dalka Ugandha oo toddobaadkan gudhiisa lagu dilay xarunta madaxtooyada Villa Soomaaliya kaddib markii lala helay madfac ay soo rideen kooxaha mucaradka ku ah dowladda ayaa waxaa laga dejiyey magalaada Kampala ee caasimadda dalka Ugandha.
- (2010-09-02)
- Booliiska Holland oo qabtay 2 nin oo la socday diyaarad ka timid Chicago
-
Ciidammada Booliiska garoonka diyaaradaha Schiphol ee magaalada Amsterdam ee caasimadda dalka Holland ayaa waxa ay qabteen oo xabsiga dhigeen 2 nin oo la socotay diyaarad nooca rakaabka ah ee ka soo duushay gobolka Chicago ee dalka Mareykanka.
- (2010-08-31)
- 4 Askari oo ka tirsan ciidammada AMISOM oo lagu dilay madaafiic lagu duqeeyay Villa Soomaaliya
-
Muqdisho: Sida lagu xaqiijiyey warar ay siyaabo kala duwan uga xigteen wakaaladaha wararka caalamku saraakiil ka tirsan ciidammada AMISOM ee ku sugan gudaha magaalada Muqdisho waxaa shalay gelinkii dambe duqeyn madaafiic oo lala beegsaday xarunta madaxtooyada Villa Soomaaliya lagu dilay ilaa 4 askari oo ka tirsanaa ciidammada AMISOM,
- (2010-08-31)
- Muqdisho oo maalintii 8aad dagaal culus iyo duqeyn madaafiic ka socoto
-
Muqdisho: Dagaal aad u qaraar islamarkaana la isku adeegsnayo hubka noocyadiisa kala duwan oo ay ka mid yihiin madaafiic waaweyn ayaa waxa uu maalintii 8aad ku dhex marayaa gudaha magaalada Muqdisho ciidammada dowladda tabarta yar ee Soomaaliya oo garab ka helaya kuwa AMISOM iyo xoogagga mintidka ah ee Al-Shabaab iyo Xisbul Islaam oo dhinac ka soo wada jeeda.
- (2010-08-30)
- Dr. Cabdiqaasim Salaad iyo Dr. Cabdullaahi A.Caddow oo ku kala baaqay in la joojiyo dagaalada
-
Madaxweynihii hore ee dowladdii kumeelgaarka ahayd ee dalka Soomaaliya, Dr. C/qaasim Salaad Xasan ayaa isagoo ku sugan magaalada Qaahira ee xarunta dalka Masar islaarkaana saxaafadda kula hadlayey qadka isgaarsiita waxa uu si xoog leh ugu baaqay dhinacyada ku dagaalamadamagalaada Muqdisho inay xabbadda joojiyaan islamarkaana la qabto shirweyne ay ummadda Soomaaliyeed isku cafiso, laguna dhiso dowlad.
- (2010-08-30)
.JPG)
-
.jpg)
